ՀայՓոստը գործարկել է պիլոտային նոր Stamps.am կայքը
25-10-2021 11:48:56 | Հայաստան | Մամլո հաղորդագրություն
ՀայՓոստը հայտարարում է նոր Stamps.am կայքի պիլոտային գործարկման մասին: Կայքը հասանելի է ինչպես Հայաստանի տարածում, այնպես էլ արտերկրում, եռալեզու ձևաչափով։
Stamps.am կայքը ֆիլատելիստական արտադրանքով հետաքրքրվողներին հնարավորությունն է տալիս գտնել Հայաստանի նամականիշերի, փոստային բացիկների, առաջին օրվա ծրարների և ֆիլատելիստական բուկլետների մեծ տեսականի և պատվիրել դրանք առցանց: Միաժամանակ, Stamps.am կայքը տրամադրում է հայկական մշակույթի, պատմության, տեսարժան վայրերի մասին կարևոր և հետաքրքիր տեղեկատվություն։
«Մենք գործարկել ենք պիլոտային Stamps.am կայքը, որտեղ կարող եք գտնել և առցանց պատվիրել ֆիլատելիստական բազմազան արտադրանք։ Այս նոր կայքը, ի տարբերություն նախորդի նաև Հայաստանում գտնվողներին կպատմի հայկական հարուստ մշակույթի, պատմության մասին, ցույց կտա մեր տեսարժան վայրերը։ Եվ իզուր չեն ասում, որ նամականիշերը երկրի դեսպաններն են ամբողջ աշխարհում»,- նշեց ՀայՓոստի գլխավոր տնօրեն Հայկ Կարապետյանը։
Stamps.am կայքում պարբերաբար գործելու են տարբեր ակցիաներ՝ ֆիլատելիստական արտադրանքը էլ ավելի հետաքրքիր դարձնելու նպատակով:
ՀԱՅԵՐԵՆ
Русский
English
Դաս. հայերեն
French
