Շփման գծում տիրող իրավիճակի հարցով ԱԺ հրատապ նիստը կանցկացվի դռնփակ
26-10-2021 10:30:16 | Հայաստան | Ի՞նչ է գրում մամուլը
Lragir.am. Հայաստանի և Ադրբեջանի շփման գծում տիրող իրավիճակի հարցով ԱԺ հրատապ նիստը կանցկացվի դռնփակ։ Այս մասին որոշումն ընդունվեց ԱԺ նիստում։ ԱԺ նախագահ Ռուբեն Ռուբինյանն ասաց, որ պատգամավորների 1/5-ը պաշտոնական գրությամբ առաջարկել է ՀՀ և Ադրբեջանի շփման գծում տիրող իրավիճակը և սահմանազատման խնդիրները հրատապ թեմայով քննարկումն անցկացնել փակ նիստով։ Խոսքը «Քաղաքացիական պայմանագիր» խմբակցության պատգամավորների մասին է։
Նիստում հարակից զեկուցմամբ հանդես կգան ՀՀ Զինված ուժերի Գլխավոր շտաբի պետի առաջին տեղակալ Կամո Քոչունցը և ԱԱԾ սահմանապահ զորքերի հրամանատար Արման Մարալչյանը։ Ընդդիմադիրները նշեցին, որ արտաքին գործերի նախարարին էլ էին առաջարկել ներգրավել քննարկումներին։ Ռուբեն Ռուբինյանն ասաց, որ կառավարությունը հարկ է համարել վերոնշյալ պաշտոնյաներին գործուղել ԱԺ։
Նշենք, որ ԱԺ հրատապ նիստ գումարելու առաջարկն արել էին «Հայաստան» և «Պատիվ ունեմ» խմբակցությունները։