Հայ-վրացական երիտասարդական ֆորում. մասնակցության հրավեր
27-10-2021 12:37:10 | Հայաստան | Մամլո հաղորդագրություն
ՀՀ Կոտայքի մարզի Աղվերան լեռնային հանգստյան գոտում նոյեմբերի 7-9-ը կանցկացվի Հայ-վրացական երիտասարդական ֆորում:
Ֆորումը կազմակերպում է ՀՀ կրթության, գիտության, մշակույթի և սպորտի նախարարությունը Վրաստանի մշակույթի, սպորտի և երիտասարդության նախարարության՝ երիտասարդության հարցերով գործակալության հետ համատեղ: Ֆորումն ուղղված է երիտասարդական աշխատողների միջև փորձի փոխանակմանը, երիտասարդական ոլորտում հետագա համատեղ ծրագրեր իրականացնելու հնարավորության քննարկմանը:
Ֆորումին կարող են մասնակցել երիտասարդական կենտրոններում, համայնքապետարաններում, մշակույթի տներում, գրադարաններում, ՔՀԿ-ում աշխատող և երիտասարդության հարցերով զբաղվող փորձառու մասնագետները (երիտասարդական աշխատողները)՝ մինչև հոկտեմբերի 31-ը լրացնելով մասնակցության հայտը հետևյալ հղումով՝ https://forms.gle/mBcHoZzwMzNH7kiN6:
ՀԱՅԵՐԵՆ
Русский
English
Դաս. հայերեն
French
