27-10-2021 20:24:54 | Շիրակի մարզ | Մամլո հաղորդագրություն
ՀՀ առողջապահության նախարարության նախաձեռնությամբ, Հայկական Կարմիր խաչի ընկերության և Գյումրու բժշկական կենտրոն հետ համագործակցությամբ, համավարակով պայմանավորված, հոկտեմբերի 31-ին Գյումրիում հայտարարվում է պատվաստումների օր:
ՀՀ առողջապահության նախարարությունը տեղեկացնում է, որ հոկտեմբերի 31-ին՝ ժամը 11:00-ին, «Հոկտեմբեր» կինոթատրոնի շենքում տեղի կունենա «Պատվաստումների օր Գյումրիում» խորագրով միջոցառումը: Միջոցառման նպատակն է խրախուսել պատվաստումային գործընթացը, հանրությանն առավել իրազեկ դարձնել դրան առնչվող տեղեկատվությանը, ձևավորել հանրային բարձր գիտակցություն՝ պատվաստման կարևորության վերաբերյալ:
Հայկական Կարմիր խաչի ընկերության կամավորների կողմից անցորդներին կբաժանվեն պատվաստման գործընթացի վերաբերյալ իրազեկման նյութեր, ինչպես նաև անհատական պաշտպանիչ միջոցներ:
Ավելի վաղ պատվաստումների օր անցկացվել էր Երևանում: Միջոցառման ընթացքում կորոնավիրուսի դեմ պատվաստվել էր 810 քաղաքացի:
Հայաստանում «Կորոնավակ»-ով (միայն 2-րդ դեղաչափ), «ԱստրաԶենեկա»-ով, «Սպուտնիկ-Վի»-ով և «Սինոֆարմ»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:
Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ն: Նախապես պետք է զանգահարել նախընտրած պոլիկլինիկա` անկախ կցագրումից, և գրանցվել պատվաստման համար: Կարող են պատվաստվել նաև օտարերկրյա քաղաքացիները: Գործում են նաև պատվաստման շրջիկ կենտրոններ:
ՀԱՅԵՐԵՆ
Русский
English
Դաս. հայերեն
French
