Իջեւան քաղաքի մեծահարուստներից մեկը, ով քաղաքի կենտրոնում բազում օբյեկտներ ունի, առաջարկել է Իջեւան քաղաքի Ասլանյան փողոցը վերանվանել Նիկոլ Փաշինյանի անունով։ Այդ փողոցում է գտնվում Նիկոլ Փաշինյանի հայրական տունը, ուր նա մեծացել է։ Այդ փողոցում է տեղադրված Նիկոլ Փաշինյանի արձանը, այն նորոգել են Իջեւանի հարավային մուտքին անհայտ անձի կողմից արձանը գլխատելուց հետո: Իջեւանում ասում են, որ նույն մեծահարուստի փողերով է կատարվել գլխատված արձանի վերանորոգումը։ Դեռ հայտնի չէ, թե նշված փողոցի բնակիչները ինչպես են վերաբերում իրենց հայրենակից, անվանի երկրաբան, ակադեմիկոս Աշոտ Ասլանյանի փողոցը վերանվանելու նախաձեռնությանը։