Թուրքական լիրան դոլարի նկատմամբ արժեզրկման նոր ռեկորդ է գրանցել

Թուրքական լիրան դոլարի նկատմամբ արժեզրկման նոր ռեկորդ է գրանցել

  • 11-11-2021 16:04:47   | Թուրքիա  |  Ի՞նչ է գրում մամուլը

Երեկ թուրքական ազգային արժույթը՝ լիրան թարմացրել է արժեզրկման ռեկորդը։ Ժամը 11։45-ի դրությամբ 1 դոլարի նկատմամբ սահմանվել է 9,97 թուրքական լիրայի փոխարժեք, գրում է Ermenihaber.am-ը: 
 
Լիրան արժեզրկվել է նաև եվրոյի և ֆունտ ստերլինգի նկատմամբ։ Այս պահին արտարժույթի շուկայում գործարքները կատարվում են 1 դոլար/11.3915 եվրո փոխարժեքով։
 
Վերջին ամիսների ընթացքում թուրքական լիրան շարունակ արժեզրկման ռեկորդներ է գրանցում։ Դոլարի նկատմամբ լիրայի փոխարժեքի նախորդ հակառեկորդը եղել էր հոկտեմբերի 25-ին (1 դոլար/9,85 լիրա), երբ Թուրքիայի նախագահ Ռեջեփ Թայիփ Էրդողանը հայտարարել էր 10 երկրների դեսպանների «անցանկալի անձ» հայտարարելու մտադրության մասին։
 
 
Նոյյան տապան   -   Ի՞նչ է գրում մամուլը