Մեկ տարում ԼՂ-ում խաղաղապահներն ապահովել են ավելի քան 8 000 մեքենայի անվտանգ տեղաշարժը
12-11-2021 12:26:50 | Հայաստան | Ի՞նչ է գրում մամուլը
Ռուսաստանի Դաշնության ռազմական ոստիկանության ստորաբաժանումները Լեռնային Ղարաբաղում խաղաղապահ գործունեության մեկ տարվա ընթացքում ապահովել են շուրջ 200 ավտոշարասյան կազմում ավելի քան 8 000 մեքենայի անվտանգ տեղաշարժը:
Ինչպես տեղեկացնում է «Արմենպրես»-ը, այս մասին հաղորդագրություն է տարածել Ռուսաստանի Դաշնության պաշտպանության նախարարության կայքէջը:
ՌԴ ՊՆ-ից հայտնում են, որ շինանյութ և պարենային ապրանքներ տեղափոխող բեռնատարները երթևեկում են Շուշի-Կարմիր շուկա-Ջիվանի և հակառակ ուղղություններով:
Ավելի քան 40 բեռնատարից կազմված շարասյուների երթևեկությունը կազմակերպվում է բարձրլեռնային տեղանքի դժվարանցանելի հատվածներով անցնող գրունտային ճանապարհներով:
Ռուս խաղաղապահների պատասխանատվության գոտում 5 դիտակետ կա, նրանք ապահովում են ավտոմեքենաների անվտանգ տեղաշարժը Լեռնային Ղարաբաղի տարածքով:
Բացի քաղաքացիական տրանսպորտի եւ հումանիտար բեռների ուղեկցման խնդիրների կատարումից, ռուսական խաղաղապահ զորախմբի ռազմական ոստիկանության ստորաբաժանումները կանոնավոր կերպով ներգրավվում են Լաչինի միջանցքում հումանիտար ակցիաների անցկացման եւ անվտանգության ապահովման գործում:
ՀԱՅԵՐԵՆ
Русский
English
Դաս. հայերեն
French
