Հադրութի շրջանում որոնողական աշխատանքներն այսօր արդյունք չեն տվել. ԱԻՊԾ

Հադրութի շրջանում որոնողական աշխատանքներն այսօր արդյունք չեն տվել. ԱԻՊԾ

  • 25-11-2021 19:28:54   | Արցախ (ԼՂՀ)  |  Մամլո հաղորդագրություն

Հադրութի շրջանում այսօր՝ նոյեմբերի 25–ին, իրականացված որոնողական աշխատանքներն արդյունք չեն տվել:

Այս մասին  տեղեկանում է Արցախի Արտակարգ իրավիճակների պետական ծառայությունից։
«Ռազմական գործողությունների ընթացքում զոհված եւ մինչ օրս անհետ կորած համարվող զինծառայողների եւ քաղաքացիական անձանց աճյունների որոնողական աշխատանքներն այսօր փրկարարական մեկ ջոկատով իրականացրել են Ադրբեջանի կողմից օկուպացված Հադրութի շրջանի Մեծ Թաղեր համայնքի վարչական տարածքում:
Որոնումներն արդյունք չեն տվել: Փրկարարներն աճյուն կամ մասունք չեն հայտնաբերել:
Զինադադարից հետո մինչ օրս տարհանվել է ընդհանուր 1701 աճյուն:
Որոնողական աշխատանքների առաջիկա ուղղությունների եւ արդյունքների մասին ԱԻ պետական ծառայությունը կհրապարակի հավելյալ տեղեկություն»,– ասվում է հաղորդագրության մեջ։
 
 
Նոյյան տապան   -   Մամլո հաղորդագրություն