Շարքային Սուրիկ Սաֆարյանը հետմահու պարգևատրվել է Մարտական ծառայության մեդալով
25-11-2021 20:03:51 | Հայաստան | Մամլո հաղորդագրություն
ՀՀ նախագահ Արմեն Սարգսյանը հրամանագրով Սուրիկ Յուրիկի Սաֆարյանը Մարտական ծառայության մեդալով է պարգևատրվել:
«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի.
Հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության N զորամասի ժամկետային պարտադիր զինծառայող, շարքային Սուրիկ Յուրիկի Սաֆարյանին հետմահու պարգևատրել Մարտական ծառայության մեդալով»,- ասված է նախագահի հրամանագրում:
Հիշեցնենք, որ Սուրիկ Սաֆարյանը զոհվել էր նոյեմբերի 22-ին Գեղարքունիքի մարզում տեղի ունեցած փոխհրաձգության հետեւանքով:
ՀԱՅԵՐԵՆ
Русский
English
Դաս. հայերեն
French
