«Ազատագրական շարժման» անդամներն այսօր կրկին փողոցներ են փակել. 6 անձ է բերման ենթարկվել, այդ թվում՝ Արա Զոհրաբյանը
26-11-2021 13:00:44 | Հայաստան | Ի՞նչ է գրում մամուլը
Հայկական ժամանակ. «Ազգային Ազատագրական շարժման» անդամներն այսօր առավոտից կրկին փողոցներ են փակել: Նրանք ակցիայի մասին իրազեկել են իրենց ֆեյսբուքյան էջերում ու տեսանյութեր տեղադրել:
Սախարովի հրապարակից բերման է ենթարկվել շարժման անդամներից Փաստաբանների պալատի նախկին նախագահ Արա Զոհրաբյանն ու ևս մի քանի հոգի:
«Հայկական Ժամանակ»-ի հետ զրույցում ոստիկանության Հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանը հայտնեց, որ ընդհանուր առմամբ առավոտյան ակցիաների մասնակիցներից բերման է ենթարկվել 6 անձ՝ ոստիկանի օրինական պահանջը չկատարելու համար:
Շարժման մասնակիցներն այս շաբաթվա սկզբից անհնազանդության գործողություններ են սկսել Երևանում, նրանք կարճ ժամանակով փակում են փողոցներ, մի քանի օր առաջ էլ խափանել էին Մետրոպոլիտենի կայարաններից մեկի աշխատանքը:
Շարժման անդամների խոսքով՝ իրենք պայքարում են «հայրենիքի փրկության համար»:
Հիշեցնենք՝ շարժումը նախաձեռնել են մեդիափորձագետ Նաիրի Հոխիկյանը, փաստաբան Արա Զոհրաբյանը, նախկին պատգամավոր Սոֆյա Հովսեփյանը ևՎազգեն Պետրոսյանը:
ՀԱՅԵՐԵՆ
Русский
English
Դաս. հայերեն
French
