Ալիևն ու Կլաարը անդրադարձել են տարածաշրջանին առնչվող մի շարք հարցերի
01-12-2021 19:18:02 | Հայաստան | Ի՞նչ է գրում մամուլը
Ազատություն․ Ադրբեջանի նախագահ Իլհամ Ալիևը Բաքվում ընդունել է Հարավային Կովկասի հարցերով Եվրամիության հատուկ ներկայացուցիչ Տոյվո Կլաարին։
Ադրբեջանի նախագահի մամլո ծառայության փոխանցմամբ` հանդիպմանը քննարկվել են հետպատերազմական կոնֆլիկտային իրավիճակը և հայ-ադրբեջանական սահմանին նոյեմբերին տիրող լարվածությունը, ինչպես նաև Եվրամիության և Ադրբեջանի միջև հարաբերությունների տարբեր ասպեկտներ, Հարավային Կովկասում համագործակցության հեռանկարները։
Եվրամիության բարձրաստիճան պաշտոնյան Բաքու է ժամանել Երևանից։ Նախօրեին նա հանդիպում է ունեցել վարչապետ Նիկոլ Փաշինյանի հետ։ Քննարկման ընթացքում Հայաստանի վարչապետը կարևորել է դեկտեմբերի 15-ին Բրյուսելում Արևելյան գործընկերության գագաթնաժողովի անցկացումը: Այդ օրը Հայաստանի ու Ադրբեջանի առաջնորդները համաձայնել են հանդիպում ունենալ։
ՀԱՅԵՐԵՆ
Русский
English
Դաս. հայերեն
French
