Ասում են՝ ասֆալտի ատկատի գործ ենք անում. Փաշինյանը իրավապահներին հորդորեց հետևել և սուսումնասիրել հրապարակումները
30-12-2021 12:58:49 | Հայաստան | Ի՞նչ է գրում մամուլը
Հայկական ժամանակ. ՀՀ կառավարության այսօրվա նիստում վարչապետ Նիկոլ Փաշինյանը հայտարարեց՝ փորձ է արվում տպավորություն ստեղծել, թե ճանապարհաշինության ոլորտում տեղի ունեցող փոփոխությունները կապված են իշխանության բարձրաստիճան ներկայացուցիչների ընտանիքների հետ:
«Ուզում եմ դիմել իրավապահներին։ Հակակոռուպցիոն կոմիտե ունենք արդեն երկրում, գլխավոր դատախազին, ԱԱԾ-ին ես խնդրում եմ մամուլի ոչ մի այդպիսի հրապարակում անպատասխան չթողնել։ Շատ ուշադիր է պետք լինել սուտ մատնության սահմանագծերն անցնելու պարագային էլ»,- նշեց Փաշինյանը։
Նրա խոսքով՝ այդ հրապարակումների նպատակն է տպավորություն ստեղծել, թե իշխանությունը «հավաքվել է ու ասֆալտի ատկատի գործ է անում»։
«Դա չի հաջողվի իրենց: Նախկին իշխանությունների ընտանիքների անդամներն էլ են այսօր հաղթում մրցույթներում, ու դժգոհ չենք, որ հաղթում են, որովհետև լավ են աշխատում»,- ասաց վարչապետը: