Պատվաստումների առումով մենք դեռ զբաղեցնում ենք ամենացածր տեղը մեր բոլոր հարևանների մեջ. Թորոսյանը հորդորում է պատվաստվել

Պատվաստումների առումով մենք դեռ զբաղեցնում ենք ամենացածր տեղը մեր բոլոր հարևանների մեջ. Թորոսյանը հորդորում է պատվաստվել

  • 05-01-2022 13:05:40   | Հայաստան  |  Հասարակություն

Սիրելի հայրենակիցներ,
 
2021 թվականին մենք ևս մեկ անավարտ խնդիր ունենք թողած, որը պետք է ավելի լայն թափով շարունակենք լուծել 2022 թվականին, որպեսզի այսօրվա հարաբերականորեն բավարար վիճակի փոխարեն կրկին չունենանք ծանր ալիքներ։ Խոսքն իհարկե կորոնավիրուսի դեմ պատվաստումների մասին է։ 
Ցավոք մենք դեռևս զբաղեցնում ենք ամենացածր տեղը մեր բոլոր հարևանների մեջ և ավելի լայն տարածաշրջանում՝ 23% ամբողջական պատվաստված և 31% մեկ դեղաչափով բնակչությամբ (տվյալները կարող են լինել 2-3 օրվա հնության):
Խնդրում և կոչ եմ անում մեր բոլոր չպատվաստված քաղաքացիներին ՊԱՏՎԱՍՏՎԵԼ։ Առողջապահության նախարարությունը և կառավարությունը երկրում ապահովել է անվտանգ և արդյունավետ պատվաստանյութերի բազմազանություն, որոնք կատարվում են ամբողջությամբ անվճար։ Կոչ եմ անում նաև այն քաղաքացիներին, որոնք արդեն 6 ամիս ավել է պատվաստված են, ստանալ իրենց 3-րդ դեղաչափը (բուստերը), որպեսզի նրանց պաշտպանությունը հիվանդությունից մնա ուժեղ։
Բոլորս ենք ականատես եղել, թե ինչպես են մեր չպատվաստված հարազատները կամ մտերիմները ծանր տանում հիվանդությունը կամ դժբախտաբար մահանում դրա պատճառով, չնայած ստանում են ամենաբարձր որակի բուժօգնությունը։ Դա ապացուցված է նաև ամբողջ աշխարհում և այդ ապացույցները բազմիցս են բերվել. կրկին չեմ ուզում դրանց անդրադառնալ։
Կարևոր է նաև հիշել մեր առողջապահական համակարգի հյուծվածության մասին, որն արդեն գրեթե 2 տարի է աշխատում է արտակարգ ռեժիմով, հատկապես կովիդ հիվանդանոցները։ Սա էլ է մի խնդիր, որը պետք է լուծվի՝ փոխելով համակարգի աշխատանքի ռեժիմը, երբ բոլոր հիվանդանոցները կզբաղվեն կովիդի բուժմամբ ըստ անհրաժեշտության և չեն դադարի մատուցել իրենց հիմնական ծառայությունները։
 
ՀՀ վարչապետի աշխատակազմի ղեկավար 
 
 
 
Նոյյան տապան   -   Հասարակություն

Նոյյան Տապան. հյուրն է Արա Ղարագյոզյանը
17-01-2022 14:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Արա Ղարագյոզյանը

Նոյյան Տապան. հյուրն է Ազատ Շահբազյանը
17-01-2022 15:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Ազատ Շահբազյանը