Հայաստանը չէր կարող չմասնակցել ՀԱՊԿ ղազախական կամպանիային. սա է օբյեկտիվ իրականությունը. Սուրեն Սուրենյանց
07-01-2022 17:49:43 | Հայաստան | Մեկնաբանություն
Քաղաքագետ Սուրեն Սուրենյանցը գրում է.
«Հայաստանը չունի սուբեկտություն ու չէր կարող չմասնակցել ՀԱՊԿ ղազախական կամպանիային։ Նիկոլ Փաշինյանը որոշում կայացնող չէ ու անում է այն, ինչ նրան թելադրվում է Մոսկվայից։
Սա է օբյեկտիվ իրականությունը։
Այլ խնդիր է, որ Նիկոլ Փաշինյանն ու նրա դեմքով Հայաստանը չպետք է այս կամպանիայի ինֆորմացիոն առաջնորդությունը ստանձնեին, ընդ որում՝ արհեստական։ Սակայն դա էլ Փաշինյանին էր պետք, որպեսզի ցույց տար, որ ինքն է Պուտինի "մարդը" Հայաստանում՝ շախ- մատ անելով խորհրդարանական ընդդիմությանը, որն այդպես էլ չկարողացավ պաշտոնական տեսակետ ունենալ այս հարցում։
Նիկոլն, անշուշտ, զրկվել է քաղաքական և բարոյական լեգիտիմությունից, բայց ՀԱՊԿ ղազախական կամպանիային հակադրվող գործիչները պետք է ցույց տան, թե որն է իրենց առաջարկած այլընտրանքը։ Օբյեկտիվ քննադատություն լսում եմ, բայց այլընտրանքային լուծումներ՝ ոչ»։