Մեծ է Ռազմիկ Դավոյանի ներդրումը հայ ժամանակակից գրականության զարգացման գործում. Նիկոլ Փաշինյան
11-01-2022 16:47:00 | Հայաստան | Մամլո հաղորդագրություն
Վարչապետ Նիկոլ Փաշինյանը ցավակցական հեռագիր է հղել բանաստեղծ Ռազմիկ Դավոյանի մահվան կապակցությամբ: Ինչպես հայտնում են ՀՀ կառավարությունից, հեռագրում նշված է.
«Ցավով տեղեկացա բանաստեղծ Ռազմիկ Դավոյանի մահվան մասին:
Պարոն Դավոյանը ժամանակակից հայ գրականության նշանավոր ներկայացուցիչ էր, ավելի քան 40 ժողովածուի և գրքերի հեղինակ, ում ստեղծագործությունները տպագրվել են նաև արտերկրի մի շարք պարբերականներում: Մեծ է նրա ներդրումը հայ ժամանակակից գրականության զարգացման գործում:
Իմ խորին ցավակցություններն եմ հայտնում պարոն Դավոյանի հարազատներին ու գործընկերներին»: