ՀՀ ԱԺ նախագահի գլխավորած պատվիրակությունը կմեկնի ԱՄՆ
14-01-2022 12:04:00 | Հայաստան | Ի՞նչ է գրում մամուլը
Հայկական ժամանակ. ՀՀ Ազգային ժողովի նախագահ Ալեն Սիմոնյանի գլխավորած պատվիրակությունը հունվարի 15-20-ն աշխատանքային այցով կգործուղվի Վաշինգտոն: ԱԺ նախագահի համապատասխան կարգադրությունը հրապարակվել է խորհրդարանի պաշտոնական կայքում:
Ըստ կարգադրության՝ պատվիրակության կազմում ընդգրկված են «Քաղաքացիական պայմանագիր» խմբակցության ղեկավար Հայկ Կոնջորյանը, պատգամավոր Մարիա Կարապետյանը, «Պատիվ ունեմ» խմբակցության ղեկավար Արթուր Վանեցյանը և մի խումբ աշխատակիցներ ԱԺ աշխատակազմից:
Հիշեցնենք՝ ԱԺ նախագահ Ալեն Սիմոնյանի մեկ այլ կարգադրության համաձայն՝ հունվարի 17-20-ն Ազգային ժողովի նախագահի պարտականությունների ժամանակավոր կկատարի ԱԺ նախագահի տեղակալ Հակոբ Արշակյանը: