Կայացել է Փաշինյան-Պուտին հեռախոսազրույց. քննարկվել են ԵԱՀԿ-ի աշխատանքին, ՀԱՊԿ-ին և սահմանազատմանն առնչվող հարցեր
22-01-2022 19:48:08 | Ռուսաստան | Ի՞նչ է գրում մամուլը
tert.am Հայկական կողմի նախաձեռնությամբ հեռախոսազրույց է տեղի ունեցել ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի միջև:
Ինչպես փոխանցում է Կրեմլի մամուլի ծառայությունը, զրույցի ընթացքում դիտարկվել են Հայաստանի, Ադրբեջանի և Ռուսաստանի առաջնորդների միջև 2020 թվականի նոյեմբերի 9-ին, 2021 թվականի հունվաի 11-ին և նոյեմբերի 26-ին ձեռք բերված եռակողմ պայմանավորվածությունների իրականացման ընթացքը, այդ թվում՝ հայ-ադրբեջանական սահմանի սահմանազատման և սահմանագծման հետ կապված հարցերը:
Ընդգծվել է ԵԱՀԿ Մինսկի խմբի համանախագահների գծով տարվող աշխատանքի շարունակությունը:
ՀԱՊԿ-ում Հայաստանի ընթացիկ նախագահությամբ պայմանավորված՝ քննարկվել են ՀԱՊԿ շրջանակում հետագա համագործակցության հեռանկարները:
Փաշինյանի խնդրանքով՝ ՌԴ նախագահը կարճ տեղեկացրել է ԱՄՆ-ի և նրա դաշնակիցների հետ անվտանգության երաշխիքների հարցով բանակցությունների ընթացքի մասին։
ՀԱՅԵՐԵՆ
Русский
English
Դաս. հայերեն
French
