Ադրբեջանի ահաբեկչական գործողությունները 44-օրյա պատերազմից հետո պարբերական բնույթ են կրում. Թագուհի Թովմասյան
08-02-2022 17:22:52 | Հայաստան | Մեկնաբանություն
Ադրբեջանը շարունակում է իր ահաբեկչական գործողությունները խաղաղ բնակիչների նկատմամբ։ Արցախի Հանրապետության դատախազությունը տեղեկացնում է, որ ադրբեջանական մարտական դիրքից կրակել են քարամշակման կետում աշխատող բանվորների վրա։ Այս մասին իր ֆեյսբուքյան էջում գրում է ԱԺ «Պատիվ ունեմ» խմբակցության պատգամավոր Թագուհի Թովմասյանը՝ ներկայացնելով համապատասխան մամուլի հաղորդագրությունը:
«Միջազգային իրավապաշտպան կազմակերպությունների ուշադրությունն եմ հրավիրում Ադրբեջանի ահաբեկչական գործողությունների վրա, որոնք 44-օրյա պատերազմից հետո պարբերական բնույթ են կրում։ Ադրբեջանի նման քաղաքականությունը խստագույնս պետք է դատապարտվի և արժանանա համապատասխան գնահատականի»,- նշել է պատգամավորը: