Բաքվի առաջարկներում, մեծ հաշվով, անընդունելի ոչինչ չկա. Արարատ Միրզոյան
21-03-2022 16:59:09 | Հայաստան | Քաղաքական
Մեր ընկալումն այն է, որ ըստ էության՝ մարտի 10-ին մեզ փոխանցված ադրբեջանական առաջարկներում, մեծ հաշվով, անընդունելի ոչինչ չկա, այլ բան է, որ այդ առաջարկներն ամբողջապես չեն հասցեագրում Հայաստան-Ադրբեջան համապարփակ խաղաղության հնարավոր օրակարգը: Այս մասին ԱԺ արտաքին հարաբերությունների մշտական հանձնաժողովի նիստում նշեց ՀՀ արտաքին գործերի նախարար Արարատ Միրզոյանը:
«Ահա մեր պատասխանները եկել են լրացնելու, ամբողջացնելու այդ օրակարգը: Մեր պատասխաններում առանցքային ու սկզբունքային ենք համարում Լեռնային Ղարաբաղի հայության իրվունքները և Լեռնային Ղարաբաղի կարգավիճակի հարցի հասցեագրումը: Ահա, այս ամբողջական հենքի վրա մենք պատրաստ ենք սկսել բանակցություններ և այս առաջարկով էլ մենք դիմել ենք ԵԱՀԿ Մինսկի խմբի համանախագահությանը, կարող եմ բառացի ասել՝ կազմակերպելու Խաղաղության պայմանագրի շուրջ բանակցություններ՝ հիմք ընդունելով ՄԱԿ կանոնադրությունը, Քաղաքական և քաղաքացիական իրավունքների միջազգային դաշնագիրը և Հելսինկյան եզրափակիչ ակտը»,-ասաց Միրզոյանը:
ՀԱՅԵՐԵՆ
Русский
English
Դաս. հայերեն
French
