17-05-2022 19:46:19 | Հայաստան | Ի՞նչ է գրում մամուլը
armtimes.com Ֆրանսիայի հրապարակում մեկնարկել է ընդդիմության հանրահավաքը:
Նշենք, որ այսօր առավոտյան ընդդիմադիրները վերսկսել էին բողոքի անհնազանդության գործողությունները: Նրանք փորձել էին փակել փողոցներ, սակայն ոստիկանները կարճ ժամանակում բացել էին դրանք:
Բերման է ենթարկվել ակցիայի 414 մասնակից: Նրանց թվում էր նաև Ռոբերտ Քոչարյանի որդին՝ Լևոն Քոչարյանը: Ինչպես նաև ՀՀ ոստիկանության Մաշտոցի բաժանմունք էին տեղափոխվել նախկին պատգամավորներ Նաիրա Զոհրաբյանն ու Արմեն Աշոտյանը:
Հիշեցնենք՝ մայիսի 2-ից վարչապետ Նիկոլ Փաշինյանի հրաժարականի պահանջով անհնազանդության ակցիաներ են սկսվել Երևանում. խորհրդարանական ընդդիմության նախաձեռնած շարժումը ակցիաներին զուգահեռ նստացույց է հայտարարել Ֆրանսիայի հրապարակում, որն իրականացնում են շարժման փոքրաթիվ անդամներ: