Ուկրաինայի դեմ պատերազմում ՌԴ կորուստները հավասար են Աֆղանստանում ԽՍՀՄ-ի 9 տարվա կորուստներին
23-05-2022 12:25:38 | Ռուսաստան | Ի՞նչ է գրում մամուլը
Ուկրաինայի դեմ պատերազմի առաջին երեք ամիսների ընթացքում Ռուսաստանի զոհերի թիվը հավանաբար նույնն է, ինչ Խորհրդային Միության զոհերի թիվը Աֆղանստանում ինը տարի տևած պատերազմի ընթացքում: Այս մասին ասվում է պատերազմի մասին բրիտանական հետախուզության ամենօրյա տեսության մեջ, որը հրապարակում է Մեծ Բրիտանիայի պաշտպանության նախարարությունը, գրում է Lragir.am-ը:
Հետախուզությունը նշում է. Ռուսաստանի հասարակությունը նախկինում զգայուն է եղել պատերազմների ժամանակ կրած կորուստների նկատմամբ: Ուստի, քանի որ Ուկրաինայում զոհերի թիվն աճում է, կորուստներն ավելի ակնհայտ են դառնալու, իսկ պատերազմի վերաբերյալ հանրային դժգոհությունը և այն բարձրաձայնելու ցանկությունը կարող են մեծանալ։