Մոլորված և ադրբեջանական կողմում հայնված Բերձորի բնակիչը խաղաղապահների միջնորդությամբ վերադարձվել է
09-06-2022 20:04:36 | Արցախ (ԼՂՀ) | Մամլո հաղորդագրություն
Մոլորված և ադրբեջանական կողմում հայնված Բերձորի 69-ամյա բնակիչը խաղաղապահների միջնորդությամբ վերադարձվել է հայկական կողմին: Այս մասին տեղեկացնում է Արցախի Հանրապետության ներքին գործերի նախարարության ոստիկանությունը:
Հայտարարությունում մասնավորապես նշվում է, որ հունիսի 1-ին ոստիկանության հերթապահ մասում հաղորդում էր ստացվել Բերձոր քաղաքի 69-ամյա բնակիչ Ա.Ա.-ի անհայտ կորելու մասին:
Ոստիկանության Քաշաթաղի շրջանային բաժնի և ՌԴ խաղաղապահ առաքելության զորակազմի ծառայողների համատեղ իրականացված որոնողական աշխատանքների արդյունքում պարզվել է, որ վերջինս մոլորվել և հայտնվել է ադրբեջանական կողմում:
Խաղաղապահների միջնորդությամբ տարված բանակցությունների արդյունքում, հունիսի 9-ին ժամը 12:00-ի սահմաններում Ա.Ա.-ն փոխանցվել է ոստիկանության Քաշաթաղի շրջանային բաժնի ծառայողներին: Հանգամանքները պարզվում են:
ՀԱՅԵՐԵՆ
Русский
English
Դաս. հայերեն
French
