Դատարանը մերժեց ՀՅԴ ՆԱՈւՄ անդամ Գառնիկ Մելքումյանի նկատմամբ քննիչի կողմից ներկայացված կալանքի միջնորդությունը։ Այս մասին հայտարարություն է տարածել ՀՅԴ «Նիկոլ Աղբալյան» ուսանողական միությունը:

 

«Քաջարանցի Գառնիկ Մելքումյանը դատարանի դահլիճից ազատ է արձակվել

 

Դատարանը մերժեց ՀՅԴ ՆԱՈւՄ անդամ Գառնիկ Մելքումյանի նկատմամբ քննիչի կողմից ներկայացված կալանքի միջնորդությունը։

 

Դատարանն արձանագրեց, որ Գառնիկ Մելքումյանն առնչություն չունի իրեն մեղսագրվող արարքին և ներկայացված նյութերը, ըստ էության, բավարար չեն հիմնավորելու մեղադրանքը։

 

Հիշեցնենք, որ Գառնիկ Մելքումյանը մեղադրվում է քրեական օրենսգրքի 225 հոդվածի 2 մասով (Զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը` պատժվում են ազատազրկմամբ` երեքից ութ տարի ժամկետով, եթե այդ արարքները կատարելն ինքնին չի առաջացնում սույն օրենսգրքի այլ հոդվածներով ավելի խիստ պատասխանատվություն), քրեական օրենսգրքի 164 հոդվածի 2-րդ մասով (լրագրողի մասնագիտական օրինական գործունեությանը խոչընդոտելը կամ նրան տեղեկություններ տարածելուն կամ տարածելուց հրաժարվելուն հարկադրելը` պատժվում է տուգանքով` նվազագույն աշխատավարձի երկուհարյուրապատիկից չորսհարյուրապատիկի չափով)։

 

ՀՅԴ «Նիկոլ Աղբալյան» ուսանողական միությունը շնորհակալություն է հայտնում փաստաբան Լուսինե Մարտիրոսյանին կատարած պրոֆեսիոնալ աշխատանքի համար։

 

Երևանի ընդհանուր իրավասության դատարան

 

Դատավոր Գևորգ Պողոսյան

 

Փաստաբան Լուսինե Մարտիրոսյան»,- ասվում է հայտարարությունում:

 

 

 

 

Նոյյան տապան  -   Մամլո հաղորդագրություն