Էրդողանն ու Ջոնսոնը քննարկել են Ուկրաինայի նավահանգիստներից հացահատիկի անվտանգ արտահանման հարցը
21-06-2022 16:00:33 | Հայաստան | Ի՞նչ է գրում մամուլը
Թուրքիայի նախագահ Ռեջեփ Թայիփ Էրդողանը հունիսի 21-ին հեռախոսազրույց է անցկացրել Մեծ Բրիտանիայի վարչապետ Բորիս Ջոնսոնի հետ։
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Հեռախոսազրույցի ժամանակ մտքերի փոխանակություն է տեղի ունեցել թուրք-բրիտանական համագործակցության առկա վիճակի և հեռանկարների շուրջ։
Զրուցակիցներն անդրադարձել են նաև պաշտպանական արդյունաբերության ոլորտում համագործակցության թեմային, քննարկվել տարածաշրջանային գործընթացները, այդ թվում՝ Ուկրաինայում տեղի ունեցող ռազմական գործողությունների թեման։։
Էրդողանն ընդգծել է Ուկրաինայի նավահանգիստներից հացահատիկի անվտանգ արտահանման հարցի պարտադիր կարգավորման անհրաժեշտությունը։
ՀԱՅԵՐԵՆ
Русский
English
Դաս. հայերեն
French
