Վահագն Դավթյանն ու Արթուր Դավթյանը դարձել են աշխարհի բացարձակ գավաթակիր. Բաքվի փուլին հայ մարզիկները չեն մասնակցել
22-06-2022 14:10:01 | Հայաստան | Ի՞նչ է գրում մամուլը
Հայկական ժամանակ. Երևանի քաղաքապետարանի աշխատակազմի սպորտի և երիտասարդության հարցերի բաժնի պետ, քաղաքապետարանի ենթակայությամբ գործող Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցի սան Վահագն Դավթյանը ՀՀ սպորտային մարմնամարզության պատմության մեջ առաջին անգամ դարձել է աշխարհի բացարձակ գավաթակիր օղակներ վարժությունից:
Նույն մարզադպրոցի սան, 2021 թ. Տոկիոյում կայացած օլիմպիական խաղերի բրոնզե մեդալակիր Արթուր Դավթյանն էլ աշխարհի բացարձակ գավաթակիր է դարձել հենացատկ վարժությունից:
Ընդ որում, մեր հավաքականի անդամները մասնակցել են աշխարհի գավաթի խաղարկության չորս փուլերից երեքին (Բաքվում կայացած 4-րդ փուլին չեն մասնակցել), սակայն նախորդ երեք փուլերի արդյունքներն այնքան բարձր են եղել, որ հնարավորություն են տվել ապահովել բացարձակ հաղթողի կոչումները:
ՀԱՅԵՐԵՆ
Русский
English
Դաս. հայերեն
French
