23-06-2022 13:52:05 | Հայաստան | Ի՞նչ է գրում մամուլը
Բարձր տեխնոլոգիական արդյունաբերության նախարարությունը հանրային քննարկման է ներկայացրել մի շարք օրենքներում փոփոխություններ կատարելու նախագիծ, որով սահմանվելու է վարժական հավաքներից ազատման կազմակերպման և իրականացման կարգը։
Iravaban.net-ը հայտնում է, ոչ նախագծի ընդունմամբ կապահովվի խաղաղ ժամանակ անցկացվող վարժական հավաքների ժամանակ ընկերությունների գործունեության անընդհատությունը, միևնույն ժամանակ զորավարժություններին և զինվորական վարժանքներին՝ ազատման իրավունք ստացած պահեստազորայինների մասնակցության ապահովում:
Վարչական պատասխանատվության մեխանիզմների կիրարկման արդյունքում կբարձրացվի կազմակերպությունների կողմից զորահավաքային նախապատրաստության ոլորտի պարտականությունների կատարման պատասխանատվությունը և որի արդյունքում նաև զորահավաքային նախապատրաստության միջոցառումների արդյունավետությունը:
Հիմնավորման մեջ նշվում է, որ վարժական հավաքներին շատ հաճախ ընդգրկվում են աշխատող պահեստազորայիններ, որոնք կարևոր և առանցքային դեր ունեն կազմակերպությունների համար, և դա խաթարում է կազմակերպությունների ընթացիկ և բնականոն գործունեությունը:
«Բացի այդ բարձր որակավորում ունեցող և մասնագիտական հմտություններ ունեցող աշխատակիցները, կամ ղեկավար աշխատակիցները, ովքեր ապահովում են կազմակերպությունների ընդհանուր ղեկավարումը, ստանում են բարձր աշխատավարձեր, և գործատուն ստիպված է լինում պահպանել վերջիններիս վարձատրությունը, ըստ այդմ կրելով ֆինանսական մեծ կորուստներ:
2021 թվականի սեպտեմբեր-հոկտեմբեր ամիսներից սկսած, ոլորտային տարբեր կազմակերպություններից ամրագրման ենթակա պաշտոնների վերաբերյալ ներկայացված որոշ դիմումներում, առանցքային մասնագետների ամրագրման անհրաժեշտությունը և պատճառը եռամսյա վարժական հավաքներն են եղել»,-նշվում է հիմնավորման մեջ:
ՀԱՅԵՐԵՆ
Русский
English
Դաս. հայերեն
French
