Ղարիբաշվիլին պախարակել է հակառակորդներին հօգուտ ԵՄ անդամակցության ցույցից հետո

Ղարիբաշվիլին պախարակել է հակառակորդներին հօգուտ ԵՄ անդամակցության ցույցից հետո

  • 23-06-2022 15:18:03   | Հայաստան  |  Ի՞նչ է գրում մամուլը

 
civilnet. Վրաստանի վարչապետ Իրակլի Ղարիբաշվիլին ելույթ է ունեցել երկրի խորհրդարանում՝ ասելով, որ Վրաստանն արժանի է ԵՄ-ի թեկնածությանը և նսեմացրել է հակառակորդներին:
 
Չորեքշաբթի վարչապետի ելույթը հաջորդել էր Վրաստանի նորագույն պատմության ամենաբազմամարդ ցույցերից մեկին։ Երկուշաբթի 60 000 – 150 000 մարդ էր դուրս եկել փողոց՝ աջակցելու Վրաստանի ԵՄ անդամակցությանը:
 
Ուրբաթ ԵՄ-ն որոշում կկայացնի Վրաստանի անդամակցության դիմումի վերաբերյալ։ Այնուամենայնիվ, Եվրահանձնաժողովը խորհուրդ է տվել երկրին չտրամադրել թեկնածուի կարգավիճակ՝ միաժամանակ հաստատելով Մոլդովայի և Ուկրաինայի դիմումները:
 
Խորհրդարանի աղմկոտ նիստի ժամանակ, որը մի քանի անգամ քաոսի վերածվեց, մի քանի ընդդիմադիր պատգամավորներ քիչ էր մնում՝ վտարվեին անվտանգության աշխատակիցների կողմից՝ վարչապետի վրա բղավելուց հետո:
 
Ղարիբաշվիլին նրանց վիրավորանքներով է պատասխանել՝ ասելով, որ Միացյալ ազգային շարժում կուսակցության Անա Ցիտլիձեն դավաճանների կուսակցությունից է: Մյուսներին, այդ թվում՝ «Ռազմավարություն Աղմաշենեբելի» պատգամավոր Տակո Չարկվիանիին և Միացյալ ազգային շարժում կուսակցության պատգամավոր Խատիա Դեկանոիձեին նա արձագանքեց՝ անվանելով «հիվանդ» և դեղորայքի կարիք ունեցող:
 
Ղարիբաշվիլին պնդում էր, որ Վրաստանին հնարավոր թեկնածուի կարգավիճակ չտրամադրելու պատասխանատվությունը կրում է ընդդիմադիր Միացյալ ազգային շարժումը, որը, ըստ նրա, Բրյուսելում լոբբինգ է իրականացրել, որպեսզի Վրաստանի թեկնածությունը մերժվի:
 
Եվրախորհրդարանի Չեխիայի պատգամավոր Մարկետկա Գրեգորովան Թվիթերում արձագանքել է այս պնդմանը և վարչապետին մեղադրել ստելու մեջ։
 
«Ես հանդիպումների եմ եղել ընդդիմության հետ, և նրանք բոլորը մեզ գրեթե աղաչում էին թեկնածուի կարգավիճակ ստանալ։ Այնպես որ, մի՛ ստեք: Եկե՛ք Բրյուսել, և մենք կարող ենք զրուցել: Մի՛ եղեք խնդիրը, եղե՛ք լուծումը»,- գրել է նա։
 
Գերմանացի պատգամավոր Վիոլա ֆոն Կրամոնը, մինչդեռ, հայտարարել է, որ վարչապետի հետ հանդիպելու իր փորձերը անտեսվել են։
 
Ղարիբաշվիլին թվարկել է Վրացական երազանքի իշխանության ներքո մի շարք ենթադրյալ ձեռքբերումներ՝ պնդելով, որ Վրաստանն այժմ որոշ առումներով գերազանցում է նույնիսկ ԵՄ անդամ որոշ երկրների: Նա ծավալուն խոսքով նաև քննադատել է Միացյալ ազգային շարժման նախկին կառավարությանը։
 
Իր ելույթի ընթացքում Ղարիբաշվիլին բազմիցս գովաբանել է կուսակցության հիմնադիր Բիձինա Իվանիշվիլիին, որի ենթադրյալ ոչ պաշտոնական ազդեցությունը Վրաստանի քաղաքականության համար ԵՄ-ի համար դարձել է օրակարգային հարց:
 
Եվրահանձնաժողովը խորհուրդ է տվել Վրաստանի համար մի քանի պայմաններ առաջ քաշել՝ նախքան անդամակցության հայտի վերանայումը։ Դրանք ներառում են «ապաօլիգարխացման պարտավորություն»՝ վերացնելով շահերի չափազանց մեծ ազդեցությունը տնտեսական, քաղաքական և հասարակական կյանքում», որը, ենթադրաբար, թիրախավորում է Իվանիշվիլիին:
 
Նա նաև ասել է, որ Իվանիշվիլիի՝ կառավարության վրա իշխանություն ունենալու պնդումը հավասարազոր է նրան, որ ԱՄՆ նախկին նախագահ Բարաք Օբամային մեղադրեն «օլիգարխիկ տիպի կառավարություն և ոչ պաշտոնական կառավարություն» ղեկավարելու մեջ, քանի որ նախագահ Ջո Բայդենի աշխատակազմում աշխատում են Օբամայի նախկին խորհրդականներից մի քանիսը:
 
Թաթա Շոշիաշվիլի, OC Media
 
Թարգմանությունը՝ Զառա Պողոսյանի
 
 
 
Նոյյան տապան   -   Ի՞նչ է գրում մամուլը

Նոյյան Տապան. հյուրն է Գրիգորի Այվազյանը
29-06-2022 10:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Գրիգորի Այվազյանը

Նոյյան Տապան. հյուրն է Հրաչյա Սարգսյանը
29-06-2022 11:30 | Հեռուստահաղորդում «Նոյյան Տապան»-ում

Նոյյան Տապան. հյուրն է Հրաչյա Սարգսյանը

Նոյյան Տապան. հյուրն է Աշոտ Գևորգյանը
29-06-2022 13:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Աշոտ Գևորգյանը

Նոյյան Տապան․ հյուրն է Կարեն Սարգսյանը
29-06-2022 14:30 | Հեռուստահաղորդում «Նոյյան Տապան»-ում

Նոյյան Տապան․ հյուրն է Կարեն Սարգսյանը

Նոյյան Տապան. հյուրն է Ստեփան Հասան-Ջալալյանը
29-06-2022 16:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Ստեփան Հասան-Ջալալյանը

Նոյյան Տապան. հյուրերն են Արմեն Ներսիսյանը և Իրինա Ծատուրյանը
30-06-2022 10:00 | Հեռուստահաղորդում «Նոյյան Տապան»-ում

Նոյյան Տապան. հյուրերն են Արմեն Ներսիսյանը և Իրինա Ծատուրյանը