Մինսկում կհանդիպեն Հայաստանի, Ռուսաստանի և Ադրբեջանի գլխավոր դատախազները
24-06-2022 13:03:07 | Հայաստան | Ի՞նչ է գրում մամուլը
Ազատություն. Մինսկում կկայանա Հայաստանի, Ռուսաստանի և Ադրբեջանի գլխավոր դատախազներ Արթուր Դավթյանի, Իգոր Կրասնովի և Քամրան Ալիևի եռակողմ հանդիպումը, հայտնում է ռուսական TASS գործակալությունը՝ վկայակոչելով Ռուսաստանի գլխավոր դատախազության մամուլի ծառայությունը։
Հանդիպմանը քննարկվելու է նախկինում ձեռք բերված պայմանավորվածությունների կատարման ընթացքը։
Ռուսաստանի գլխավոր դատախազն արդեն Մինսկում է՝ մասնակցելու Անկախ պետությունների համագործակցության անդամ երկրների գլխավոր դատախազների համակարգող խորհրդի հերթական՝ 32-րդ նիստին, ինչպես նաև Բելառուսի գլխավոր դատախազության հիմնադրման 100-ամյակի միջոցառումներին։ Մինսկում է նաև Հայաստանի գլխավոր դատախազը։ Արթուր Դավթյանն այսօր հանդիպել է Բելառուսի գլխավոր դատախազ Անդրեյ Շվեդի հետ։
ՀԱՅԵՐԵՆ
Русский
English
Դաս. հայերեն
French
