Հացահատիկով բեռնված առաջին նավը դուրս է եկել Օդեսայի նավահանգստից
01-08-2022 12:54:18 | Հայաստան | Ի՞նչ է գրում մամուլը
Ազատություն. Հացահատիկով բեռնված առաջին նավը դուրս է եկել Օդեսայի նավահանգստից: Թուրքիայի պաշտպանության նախարարության տվյալներով՝ այն Ստամբուլ պետք է ժամանի վաղը՝ օգոստոսի 2-ին:
Ստամբուլի մերձակայքում գտնվող ծովային հսկողության կետում ստուգումից հետո նավը կանցնի Բոսֆորի նեղուցով և կուղևորվի դեպի նպատակակետ:
Բեռնատար նավը տեղափոխում է ավելի քան 26 հազար տոննա հացահատիկ: Միջանցքի անվտանգությունն ապահովում են ՄԱԿ-ը և Թուրքիան։ Նավը կուղեկցեն դրոններ։ Բացի այդ, Ստամբուլի Համատեղ կոորդինացիոն կենտրոնի ներկայացուցիչներն արբանյակների միջոցով կհետևեն հացահատիկով նավերի անցմանը։
Ուկրաինայի Զինված ուժերի ռազմավարական հաղորդակցության վարչությունը հաստատել է Օդեսայի նավահանգստից նավի մեկնելու մասին տեղեկությունը։
ՀԱՅԵՐԵՆ
Русский
English
Դաս. հայերեն
French
