Հանրապետության 4-րդ նախագահ Արմեն Սարգսյանը շնորհավորել է Արկադի Դվորկովիչին ՖԻԴԵ-ի նախագահի պաշտոնում վերընտրվելու առթիվ
08-08-2022 11:41:08 | Հայաստան | Մամլո հաղորդագրություն
Հանրապետության 4-րդ նախագահ Արմեն Սարգսյանը շնորհավորել է Արկադի Դվորկովիչին Շախմատի համաշխարհային ֆեդերացիայի (ՖԻԴԵ) նախագահի պաշտոնում վերընտրվելու առթիվ:
«Ձեզ վերստին վստահվեց այդ բարձր պաշտոնը, ինչը վկայում է ՖԻԴԵ-ի, շախմատի ազգային ֆեդերացիաների ու շախմատային լայն հանրության կողմից Ձեր հանդեպ վստահության և աջակցության մասին։
Շախմատը ոչ միայն խաղ է, ոչ միայն գաղափարների ու բնավորությունների մրցակցություն, այլև տեխնոլոգիաների պայքար, որը ժամանակակից աշխարհում յուրովի խթանում է մարդկային ինտելեկտի զարգացմանը և գիտության առաջընթացին:
Վստահ եմ, որ Ձեր գիտելիքները, մասնագիտական պատրաստվածությունը և կազմակերպչական որակները կնպաստեն այս ինտելեկտուալ խաղի սահմանների ընդարձակմանն ամբողջ աշխարհում»,- մասնավորապես ասված է շնորհավորական ուղերձում:
ՀԱՅԵՐԵՆ
Русский
English
Դաս. հայերեն
French
