Այս պահին որոնողական աշխատանքները դադարեցվել են, լույսը բացվելուն պես՝ կվերսկսվեն․ ԱԻՆ խոսնակ
17-08-2022 21:52:37 | Հայաստան | Մամլո հաղորդագրություն
Որոշում է կայացվել գիշերային ժամերին որոնողափրկարակական աշխատանքները դադարեցնել, լրագրողների հետ զրույցում քիչ առաջ հայտարարեց ԱԻՆ մամուլի խոսնակ Հայկ Կոստանյանը։
«Այս պահին որոնողական աշխատանքները դադարեցվել են՝ պայմանավորված այն տեղանքով, որտեղ ենթադրաբար եղել է պայթյունը։
Այդ պայթյունի հատվածում մենք ունենք էլ ավելի վտանգավոր պատկեր, քանի որ փլուզման վտանգն այդ հատվածում ավելի մեծ է, և շտաբի կողմից որոշում է կայացվել , որ գիշերային ժամերին աշխատանքները դադարեցվեն»,- ասաց Կոստանյանը։
Նա վստահեցրեց, որ լույսը բացվելուն պես՝ աշխատանքները կվերսկսվեն։
ՀԱՅԵՐԵՆ
Русский
English
Դաս. հայերեն
French
