Պետք է հնարավորություն ստեղծենք, որ ուսուցիչը ստանա 800 հազար դրամ, 1 միլիոն դրամ աշխատավարձ․ Նիկոլ Փաշինյան
29-09-2022 12:51:46 | Հայաստան | Ի՞նչ է գրում մամուլը
Իրավաբան.net. Կառավարության նիստի ժամանակ Ժաննա Անդրեասյանը հայտարարել է, որ ուսուցչի տարակարգի շնորհման համակարգը արդյունավետ չի եղել։
Նոր կարգով նախատեսվում է տարակարգի մեխանիզմը փոխկապակցել ուսուցիչների մասնագիտական ստանդարտներին կա չափանիշներին, որոնք հաստատվել են այս տարի։
«Սրանով նաև հնարավորություն ենք ունենում ներդնել ուսուցչի աշխատանքային կարիերայի կամ աշխատանքային առաջխաղացման մոտեցում։ Ուսուցիչը հնարավորություն կստանա, ի լրումն գործող համակարգերի, 10-50 տոկոս հավելավճար ստանալ՝ 5 տարի ժամկետով»,-նշել է նա։
Վարչապետ Նիկոլ Փաշինյանն էլ հավելեց․ ուսուցիչն ինքն է որոշում՝ բարձրացնել իր աշխատավարձը, թե ոչ։
«Եվ տարակարգերը, և ատեստավորումը պետք է 5 տարվա ցիկլով լինի և ամեն անգամ պետք է աշխատավարձի ավելի բարձր ստանդարտներ գործեն։ 5 տարի հետո մենք պետք է հնարավորություն ստեղծենք, որ ուսուցիչը ստանա 800 հազար դրամ, 1 միլիոն դրամ»,-նշել է նա։
ՀԱՅԵՐԵՆ
Русский
English
Դաս. հայերեն
French
