Թեհրանի և ԱԷՄԳ-ի միջև ուղղակի և անուղղակի շփումները կշարունակվեն. Նասեր Քանանի
14-11-2022 15:52:37 | Հայաստան | Ի՞նչ է գրում մամուլը
1lurer. Անդրադառնալով Վիեննայի բանակցություններին՝ Իրանի ԱԳՆ խոսնակ Նասեր Քանանին ընդգծել է, որ մտքերի փոխանակման ուղիները դեռ ակտիվ են, բանակցությունների ընթացքը պահպանելու ջանքերը շարունակվում են, Իրանը կառուցողական նախաձեռնություններով է հանդես գալիս երկխոսության գործընթացն առաջ մղելու և համաձայնագիր կնքելու համար` գրում է IRNA գործակալությունը։
Պատասխանելով Իրանի դեմ հնարավոր բանաձևի մասին հարցին՝ Քանանին ասել է, որ Թեհրանի և ԱԷՄԳ-ի միջև ուղղակի և անուղղակի շփումները կշարունակվեն՝ հավելելով, որ տեխնիկական բանակցությունների մի մասը վերաբերում է պատժամիջոցների վերացմանը:
Նա հայտնել է, որ Իրանի պատվիրակությունը մեկնել է Վիեննա և բանակցություններ է վարել Ատոմային էներգետիկայի միջազգային գործակալության պաշտոնյաների հետ: Պայմանավորվածություն է ձեռք բերվել, որ Ատոմային էներգետիկայի միջազգային գործակալության պատվիրակությունը կմեկնի Իրան, ու բանակցությունները կշարունակվեն:
ՀԱՅԵՐԵՆ
Русский
English
Դաս. հայերեն
French
