Չինաստանը միանում է Ռուսաստանին Հնդկաստանի զգուշացումներին
15-11-2022 14:23:20 | Հայաստան | Ի՞նչ է գրում մամուլը
Lragir.am. Կամբոջայում Արևելյան Ասիայի երկրների վեհաժողովի ժամանակ Չինաստանի վարչապետ Լի Կեցյանը ընդգծել է միջուկային զենքի կիրառման սպառնալիքների անպատասխանատվությունը՝ ազդարարելով, որ Պեկինը դժգոհ է իր ռազմավարական գործընկեր Ռուսաստանի միջուկային հռետորաբանությունից, հայտնում է Reuters-ը՝ վկայակոչելով ԱՄՆ բարձրաստիճան պաշտոնյային:
Ըստ ԱՄՆ վարչակազմի բարձրաստիճան պաշտոնյայի, Չինաստանի վարչապետը երկար խոսել է Ուկրաինայի հանդեպ Չինաստանի քաղաքականության մասին:
«Լի Կեցյանը հստակ շեշտադրում է արել ինքնիշխանության, միջուկային սպառնալիքների անպատասխանատվության վրա, որ միջուկային զենքը չօգտագործվի այնպես, ինչպես ոմանք ակնարկել են», – անանունության պայմանով ասել է ամերիկացի պաշտոնյան:
Ամերիկացի պաշտոնյան ասաց, որ «Պեկինում, անշուշտ, որոշակի անհանգստություն կար Ռուսաստանի կողմից անխոհեմ հռետորաբանության և ակտիվության առնչությամբ, չնայած այն հանգամանքին, որ Մոսկվան Չինաստանի ֆորմալ գործընկերն է»:
«Կարծում եմ, որ անհերքելի է նաև այն, որ Չինաստանը, հավանաբար, և՛ զարմացած, և՛ նույնիսկ որոշ չափով շփոթված է ռուսական ռազմական գործողության ընթացքից»,- ասել է պաշտոնյան։
Նշենք, որ միջուկային զենքի կիրառման անթույլատրելիության մասին ՌԴ-ին զգուշացրել է նաեւ Հնդկաստանը։ Քաղաքական շրջանակներն այն կարծիքին են, որ Հնդկաստանը եւ Չինաստանը կարող են վճռական ազդեցություն ունենալ Կրեմլի վրա։
ՀԱՅԵՐԵՆ
Русский
English
Դաս. հայերեն
French
