Ադրբեջանին ուղղված ԱՄՆ օգնությունն անընդունելի է և բարոյապես աններելի. Մենենդես
17-11-2022 11:32:18 | Հայաստան | Ի՞նչ է գրում մամուլը
Հայկական ժամանակ. «Ինչո՞ւ է Միացյալ Նահանգները 44-օրյա պատերազմից հետո էլ շարունակում աջակցությունն Ադրբեջանին։
Պետդեպարտամենտը վստա՞հ է, որ այդ օգնությունը չի ուղղվում Հայաստանի դեմ:
Ինչո՞ւ Վաշինգտոնը չի փոխել վերաբերմունքը Ադրբեջանի հանդեպ Հայաստանի տարածքի վրա սեպտեմբերին կատարված հարձակումից հետո»։
Այս հարցերը երեկ Միացյալ Նահանգների Սենատի արտաքին հարաբերությունների հանձնաժողովի անդամներն ուղղում էին ամերիկացի բարձրաստիճան դիվանագետներին՝ Եվրոպայի և Եվրասիայի հարցերով փոխպետքարտուղար Քերըն Դոնֆրիդին և ԱՄՆ պետքարտուղարի՝ Կովկասի հարցերով խորհրդական, ԵԱՀԿ Մինսկի խմբի համանախագահ Ֆիլիպ Ռիքերին։
Դեմոկրատ Բոբ Մենենդեսը պաշտոնյաներին նախ հարց է ուղղել, թե Միացյալ Նահանգները ինչո՞վ կարող է արդարացնել որևէ տեսակի աջակցության տրամադրումը Բաքվի վարչակազմին։
«Դա անընդունելի է, բարոյապես աններելի և ծաղրի է ենթարկում Ազատության աջակցության ակտը, որի 907-րդ բանաձևն ասում է՝ Ադրբեջանին օգնություն չի կարող տրամադրվել, քանի դեռ այդ երկիրը չի դադարեցրել հարձակումները Հայաստանի և Ղարաբաղի դեմ ու չի վերացրել շրջափակումը։ Միայն այս տարի Պետդեպարտամենտը 600 հազար դոլար է խնդրել՝ Ադրբեջանին ռազմական կրթության ու վարժանքների հարցում աջակցելու համար։ Ես դեմ եմ որևէ աջակցության մի բանակի , որը հայտնի է հարևան երկրի հանդեպ հարձակումներով և պատերազմական հանցագործություններով։ Ընդ որում, այդ օգնությանը Պետդեպարտամենտում հավանություն տվեցին Ադրբեջանի կողմից Հայաստանի վրա կատարված վերջին՝ սեպտեմբերյան հարձակումից ընդամենը մի քանի ամիս առաջ», -ասել է Մենենդեը:
Ի պատասխան՝ փոխպետքարտուղար Քերըն Դոնֆրիդը հայտարարել է, որ որոշումը կայացնելիս մանրամասնորեն քննարկել են բոլոր փաստերը և համոզված են, որ Ադրբեջանին տրամադրվում են միայն պաշտպանական միջոցներ, որոնք չեն կարող օգտագործվել Հայաստանի դեմ։
Հիշեցնենք՝ 907-րդ բանաձևն ընդունվել էր 1992 թվականին, 10 տարի անց սակայն՝ սեպտեմբերի 11-ի ահաբեկչությունից հետո, Կոնգրեսը հնարավորություն տվեց նախագահներին ամեն տարի կասեցնել այդ դրույթը՝ ի շահ Ամերիկայի ազգային անվտանգության։ Գործող նախագահ Ջո Բայդենը նախընտրական շրջանում խոստացել էր հրաժարվել այդ պրակտիկայից, սակայն երկրորդ տարին է՝ նա ևս շրջանցում է արգելանքը։Ադրբեջանին ուղղված ԱՄՆ օգնությունն անընդունելի է և բարոյապես աններելի. Մենենդես
«Ինչո՞ւ է Միացյալ Նահանգները 44-օրյա պատերազմից հետո էլ շարունակում աջակցությունն Ադրբեջանին։
Պետդեպարտամենտը վստա՞հ է, որ այդ օգնությունը չի ուղղվում Հայաստանի դեմ:
Ինչո՞ւ Վաշինգտոնը չի փոխել վերաբերմունքը Ադրբեջանի հանդեպ Հայաստանի տարածքի վրա սեպտեմբերին կատարված հարձակումից հետո»։
Այս հարցերը երեկ Միացյալ Նահանգների Սենատի արտաքին հարաբերությունների հանձնաժողովի անդամներն ուղղում էին ամերիկացի բարձրաստիճան դիվանագետներին՝ Եվրոպայի և Եվրասիայի հարցերով փոխպետքարտուղար Քերըն Դոնֆրիդին և ԱՄՆ պետքարտուղարի՝ Կովկասի հարցերով խորհրդական, ԵԱՀԿ Մինսկի խմբի համանախագահ Ֆիլիպ Ռիքերին։
Դեմոկրատ Բոբ Մենենդեսը պաշտոնյաներին նախ հարց է ուղղել, թե Միացյալ Նահանգները ինչո՞վ կարող է արդարացնել որևէ տեսակի աջակցության տրամադրումը Բաքվի վարչակազմին։
«Դա անընդունելի է, բարոյապես աններելի և ծաղրի է ենթարկում Ազատության աջակցության ակտը, որի 907-րդ բանաձևն ասում է՝ Ադրբեջանին օգնություն չի կարող տրամադրվել, քանի դեռ այդ երկիրը չի դադարեցրել հարձակումները Հայաստանի և Ղարաբաղի դեմ ու չի վերացրել շրջափակումը։ Միայն այս տարի Պետդեպարտամենտը 600 հազար դոլար է խնդրել՝ Ադրբեջանին ռազմական կրթության ու վարժանքների հարցում աջակցելու համար։ Ես դեմ եմ որևէ աջակցության մի բանակի , որը հայտնի է հարևան երկրի հանդեպ հարձակումներով և պատերազմական հանցագործություններով։ Ընդ որում, այդ օգնությանը Պետդեպարտամենտում հավանություն տվեցին Ադրբեջանի կողմից Հայաստանի վրա կատարված վերջին՝ սեպտեմբերյան հարձակումից ընդամենը մի քանի ամիս առաջ», -ասել է Մենենդեը:
Ի պատասխան՝ փոխպետքարտուղար Քերըն Դոնֆրիդը հայտարարել է, որ որոշումը կայացնելիս մանրամասնորեն քննարկել են բոլոր փաստերը և համոզված են, որ Ադրբեջանին տրամադրվում են միայն պաշտպանական միջոցներ, որոնք չեն կարող օգտագործվել Հայաստանի դեմ։
Հիշեցնենք՝ 907-րդ բանաձևն ընդունվել էր 1992 թվականին, 10 տարի անց սակայն՝ սեպտեմբերի 11-ի ահաբեկչությունից հետո, Կոնգրեսը հնարավորություն տվեց նախագահներին ամեն տարի կասեցնել այդ դրույթը՝ ի շահ Ամերիկայի ազգային անվտանգության։ Գործող նախագահ Ջո Բայդենը նախընտրական շրջանում խոստացել էր հրաժարվել այդ պրակտիկայից, սակայն երկրորդ տարին է՝ նա ևս շրջանցում է արգելանքը։
ՀԱՅԵՐԵՆ
Русский
English
Դաս. հայերեն
French
