Ալիևն ասել է, որ «Ադրբեջանը ՀԱՊԿ-ում ավելի շատ ընկերներ ունի, քան Հայաստանը»
21-11-2022 20:01:55 | Ադրբեջան | Ի՞նչ է գրում մամուլը
tert.am Ադրբեջանի նախագահ Իլհամ Ալիևը իշխող «Նոր Ադրբեջան» կուսակցության հիմնադրման 30-ամյակին նվիրված հանդիսավոր միջոցառմանը հայտարարել է, թե իբր Հայաստանը «ցանկանում էր ՀԱՊԿ անդամ երկրներին Ադրբեջանի դեմ հանել» (չակերտները՝ Tert.am):
«Հայաստանը ՀԱՊԿ-ի միջոցով մտադիր էր «անհիմն» (չակերտները՝ Tert.am) մեղադրանքներ ներկայացնել Ադրբեջանին և, ըստ էության, այդ կազմակերպության անդամ երկրներին «հանել Ադրբեջանի դեմ» (չակերտները՝ Tert.am)»,- ասել է Ալիևը։
Նա նշել է, որ ՀԱՊԿ-ի մյուս անդամները «չեն գնացել այս սադրանքին» (չակերտները՝ Tert.am):
«Այս կազմակերպությունում մենք ավելի շատ ընկերներ ունենք, քան Հայաստանը։ Ինչի՞ հաշվին: Մեր քաղաքականության շնորհիվ։ Ինչո՞ւ է բացասական վերաբերմունք Հայաստանի նկատմամբ, որովհետև նրանք ամեն տեղ «ստում են» (չակերտները՝ Tert.am) ու, ինչպես ասում են, «դուռ չի մնացել, որ չթակեն իրենց հարցերը լուծելու համար» (չակերտները՝ Tert.am)։ Այս ամենը տեսանելի է, բոլորը տեսնում են և գիտեն»,- ասել է Ալիևը:
ՀԱՅԵՐԵՆ
Русский
English
Դաս. հայերեն
French
