Մարդու անձնական կյանքի և առողջական վիճակի շահարկումը առնվազն անբարոյականություն է. ԱԺ խոսնակը՝ տարածվող լուրերի մասին
01-12-2022 16:53:57 | Հայաստան | Ի՞նչ է գրում մամուլը
Համացանցում անանուն աղբյուրներից տեղեկություններ են տարածվում ՀՀ ԱԺ նախագահ Ալեն Սիմոնյանի տատիկի վերաբերյալ, որն այժմ գտնվում է տարեցների համար նախատեսված բժշկական կենտրոնում։
«Հայկական ժամանակ»-ի հետ զրույցում Սիմոնյանի մամուլի խոսնակ Ծովինար Խաչատրյանը հիշյալի կապակցությամբ նշեց.
«Մարդու անձնական կյանքին և առողջական վիճակին վերաբերող որևէ տեղեկության չեմ պատրաստվում անդրադառնալ, դրանց շահարկումը համարելով առնվազն անբարոյականություն»:
Նշենք, որ հրապարակման վերաբերյալ գրառում է կատարել նաև ԱԺ նախագահը:
«Մարդկանց անձնական կյանքի, առողջության, տարիքի, հանգուցյալների թեմաները շահարկելը բնորոշ է ամենավատ արժեքային համակարգ ունեցողներին: Այդ էակները նույնիսկ վիրավորանքի արժանի չեն, քանզի հենց իրենց անուն-ազգանուններն ինքնին վիրավորանք են նորմալ մարդկանց մոտ:
Բժշկական պանսիոնատը, անառողջ տարեց մարդկանց վիճակը շահարկելը, դրա հաշվին դիվիդենտներ ստանալը ամենավերջին բանն է, որ կարելի էր պատկերացնել: Դե ինչ, շարունակեք իջնել ավելի ու ավելի:
ՀԱՅԵՐԵՆ
Русский
English
Դաս. հայերեն
French
