Հայկական կողմն Ադրբեջանին է փոխանցել ենթադրաբար Ղարաբաղյան առաջին պատերազմի 10 զոհերի ոսկրեր և 2 քարտեզ
05-12-2022 11:26:12 | Հայաստան | Ի՞նչ է գրում մամուլը
Ազատություն. Դեկտեմբերի 1-ին հայկական կողմն Ադրբեջանին է փոխանցել ենթադրաբար Ղարաբաղյան առաջին պատերազմի 10 զոհերի ոսկրեր և 2 քարտեզ, որտեղ նշված են 4 դիակների գտնվելու հնարավոր վայրեր, հայտնում է Ազգային անվտանգության ծառայությունը (ԱԱԾ)։
Այսպիսով, ըստ ԱԱԾ-ի, 2020 թ-ի նոյեմբերի 9-ից մինչև այսօր հայկական կողմը ադրբեջանական կողմին է հանձնել Ղարաբաղյան առաջին պատերազմի 140 զոհերի ոսկրեր և 5 քարտեզներ։
Այսօր «Ինտերֆաքս» գործակալությունը հաղորդեց, որ ՄԱԿ-ում Ադրբեջանի մշտական ներկայացուցիչ Յաշար Ալիևը ՄԱԿ-ի գլխավոր քարտուղար Անտոնիո Գուտերեշին է ներկայացրել մի զեկույց, համաձայն որի, ԵՄ-ին չի հաջողվում ստիպել Հայաստանին՝ բացահայտել ականապատ դաշտերի մասին տեղեկատվությունը։
«Հայաստանը շահագրգռված չէ հրապարակել ականապատ դաշտերի մասին տեղեկատվությունը և համագործակցել ականների հայտնաբերման գործում, որոնք տեղադրվել են առանց համապատասխան փաստաթղթերի», - նշված է զեկույցում։
ՀԱՅԵՐԵՆ
Русский
English
Դաս. հայերեն
French
