Արցախի ժողովուրդը կանգնել է նոր մարտահրավերի առջև, Ադրբեջանը խորացնում է առկա հումանիտար ճգնաժամը․ օպերատիվ շտաբ
11-01-2023 19:40:43 | Արցախ (ԼՂՀ) | Մամլո հաղորդագրություն
Արցախի օպերատիվ շտաբը հայտարարություն է տարածել՝ բարձրաձայնելով, որ Արցախի ժողովուրդը կանգնել է նոր մարտահրավերի առջև՝ հնարավորություն չունենալով էլեկտրաէներգիա ստանալ Հայաստանից:
Հայտարարության մեջ ասված է․
«Արդեն երկրորդ օրն է, ինչ Գորիս-Ստեփանակերտ 110 կՎ Արցախը Հայաստանից սնուցող միակ բարձրավոլտ գծի 33-րդ կմ-ում՝ Աղավնո-Բերձոր հատվածում արձանագրված վթարի պատճառով Արցախի ժողովուրդը կանգնել է նոր մարտահրավերի առջև՝ հնարավորություն չունենալով էլեկտրաէներգիա ստանալ Հայաստանից:
Հանրապետության էլեկտրամատակարարումն իրականացվում է տեղական սահմանափակ ռեսուրսի միջոցով՝ համապատասխան սահմանափակումներով:
Ադրբեջանական կողմը հնարավորություն չի տալիս նշված վայրում իրականացնել վթարավերականգնողական աշխատանքներ՝ կոպտորեն խախտելով միջազգային իրավունքի բոլոր նորմերն ու սկզբունքները և խորացնելով արդեն մեկ ամիս շրջափակման մեջ գտնվող խաղաղ բնակչության շրջանում առկա հումանիտար ճգնաժամը»:
ՀԱՅԵՐԵՆ
Русский
English
Դաս. հայերեն
French
