16-01-2023 20:06:13 | Հայաստան | Ի՞նչ է գրում մամուլը
armtimes.com Ադրբեջանի ֆուտբոլի ֆեդերացիաների ասոցիացիան (AFFA) անդրադարձել է այսօր Հենրիխ Մխիթարյանի կողմից «Ինտեր» ակումբի հեռուստաընկերության եթերում նկարած և ցուցադրած քարտեզին, որում Հայաստանը ներկայացված էր Լեռնային Ղարաբաղի հետ։
Ադրբեջանի ֆուտբոլի ֆեդերացիաների ասոցիացիան (AFFA) մտադիր է բողոք ներկայացնել ՈւԵՖԱ-ին և Իտալիայի ֆուտբոլի ֆեդերացիային։
Այս մասին գրում է sports.ru-ն։
Ըստ աղբյուրի, Ադրբեջանը վրդովված է «Ինտեր»-ի կիսապաշտպան Հենրիխ Մխիթարյանի պահվածքից։
Հիշեցնենք, այսօր Հայաստանի հավաքականի նախկին խաղացողը մասնակցել է «Ինտերի» ակումբային հեռուստատեսության եթերում, որտեղ ֆուտբոլիստները խոսել են իրենց մասին: Դրա ընթացքում Մխիթարյանը ցուցադրել է Հայաստանի քարտեզի ուրվագծերով պատկեր՝ որում պատկերված էր նաև Լեռնային Ղարաբաղը։
Ադրբեջանական «Ղարաբաղ» ակումբը նույնպես դժգոհություն է հայտնել Մխիթարյանի գործողություններից։
Ավելի վաղ տեղեկացրել էինք, որ հիշյալ տեսանյութն իր էջուկմ հրապարակել էր «Ինտեր»-ի մամուլի ծառայությունը։
ՀԱՅԵՐԵՆ
Русский
English
Դաս. հայերեն
French
