Ադրբեջանական կողմը ստեփանակերտցիներին տարհանելու վերաբերյալ կեղծ փաստաթղթեր է տարածում. Արցախի ԱԱԾ
25-01-2023 11:20:45 | Հայաստան | Ի՞նչ է գրում մամուլը
Ազատություն. Արցախի անզգային անվտանգության ծառայությունը տեղեկացնում է, որ ադրբեջանական հատուկ ծառայություններն, օգտագործելով Արցախի քաղաքացիների ֆեյսբուքյան էջեր, Ստեփանակերտի բնակիչներին տարհանելու վերաբերյալ կեղծ փաստաթղթեր են տարածում՝ նպատակ ունենալով խուճապ ստեղծել բնակչության շրջանում։
ԱԱԾ-ն կոչ է անում չտրվել կեղծ լուրերի և պահպանել հանգստություն՝ շեշտելով՝ լիովին վերահսկում է իրավիճակն Արցախի տարածքում:
Սա առաջին նման դեպքը չէ․ դեկտեմբերի 12-ին, երբ ադրբեջանական կողմը բնապահպանական պատրվակով փակեց Արցախը Հայաստանին կապող միակ ճանապարհը՝ Լաչինի միջանցքը, ժամեր անց ադրբեջանական հատուկ ծառայությունները, կրկին օգտագործելով արցախցիների ֆեյսբուքյան էջեր, Արցախի բնակիչներին տարհանելու վերաբերյալ կեղծ լուրեր էին տարածում։
ՀԱՅԵՐԵՆ
Русский
English
Դաս. հայերեն
French
