Թուրքական «Բայքարը» Ուկրաինային հարվածային երկու անօդաչու թռչող սարք է տրամադրել
26-01-2023 13:44:04 | Հայաստան | Ի՞նչ է գրում մամուլը
Ազատություն. Թուրքական «Բայքար» ընկերությունը Ուկրաինային անվճար տրամադրել է երկու Bayraktar ТB2 հարվածային անօդաչու թռչող սարք, հայտնում է Ուկրաինայի պաշտպանության նախարարության հետախուզության գլխավոր վարչությունը։
«Մենք անսահման երախտապարտ ենք «Բայքար» ընկերությանը՝ մեր պետության համար ամենադժվար ժամանակներում անզիջում և մշտական աջակցության համար», - ասվում է ուղերձում։
Ուկրաինան ակտիվորեն օգտագործում է թուրքական «Բայրաքթար» անօդաչու սարքերը Ռուսաստանի դեմ պատերազմում։
Անօդաչու սարքն ունի ինչպես հարվածային, այնպես էլ հետախուզական գործառույթներ։
Թուրքական ընկերությունը նախատեսում է Ուկրաինայում անօդաչուների գործարան կառուցել։ Այդ նպատակով «Բայքարը» գրանցվել է Ուկրաինայում ու արդեն հողատարածք ձեռք բերել։
ՀԱՅԵՐԵՆ
Русский
English
Դաս. հայերեն
French
