Ուկրաինացիները հաքերային գրոհով Ռուսաստանի հեռուստատեսությամբ հեռարձակել են Զելենսկու ուղերձը
26-01-2023 14:22:28 | Հայաստան | Ի՞նչ է գրում մամուլը
Ազատություն. Ուկրաինայի նախագահ Վլադիմիր Զելենսկու ուղերձը երեկ, որոշ տեխնիկական ընդհատումներով, ցուցադրվել է Ռուսաստանի Բելգորոդի և Կրասնոդարի մարզերում, ինչպես նաև բռնակցված Ղրիմում:
Ուղերձը հեռարձակվել է СТС և ТНТ ռուսաստանյան հեռուստաընկերությունների ամենօրյա սովորական ծրագրերի փոխարեն: Հեռարձակումը ժամանակ առ ժամանակ անհետացել և վերականգնվել է:
Ղրիմի ղեկավարի տեղեկատվական քաղաքականության հարցերով խորհրդական Օլեգ Կրյուչկովի փոխանցմամբ, ռուսական եթերում Ուկրաինայի նախագահի ուղերձի հեռարձակումն ամերիկացիների օգնությամբ կատարված հաքերային միջամտության հետևանք է:
«Ամերիկացիները դեռ «հատուկ ռազմական օպերացիայի» առաջին փուլում են Ուկրաինայի հատուկ ծառայություններին տրամադրել ամենամեծ առցանց կայանների ծրագրային գաղտնաբառերը: Կաբելային օպերատորները հաճախ համացանցից են վերցնում ազդանշանը: Ռազմաճակատում ուկրաինացիների գործերը լավ չեն, դրա համար էլ նրանք հաքերային գրոհների են դիմում», - ասել է Կրյուչկովը:
Բելգորոդի իշխանություններն էլ հայտնել են, թե «տեղի է ունեցել արբանյակից ստացվող ազդանշանի ապօրինի փոփոխություն»:
ՀԱՅԵՐԵՆ
Русский
English
Դաս. հայերեն
French
