Հրազդանում աշակերտներից մեկն անհայտ գազ է օգտագործել. 12 երեխայի հիվանդանոց են տարել
27-01-2023 13:12:51 | Հայաստան | Ի՞նչ է գրում մամուլը
Sputnik. Բժշկական կենտրոնում գտնվողների վիճակը գնահատվում է բավարար։
Անհայտ գազից ինքնազգացողության վատթարացման պատճառով 9-14 տարեկան 12 երեխա այսօր տեղափոխվել է Հրազդանի բժշկական կենտրոն։ Տեղեկությունը հայտնում է ՀՀ առողջապահության նախարարության մամուլի ծառայությունը։
«Երեխաները տեղափոխվել են Հրազդանի ԲԿ-ի անհետաձգելի բուժօգնության բաժանմունք»,– ասված է հաղորդագրությունում։
Հայտնի է դարձել, որ անհայտ գազը Հրազդանի թիվ 11 դպրոցում օգտագործել է աշակերտներից մեկը։
ՀՀ ԱՆ–ն տեղեկացնում է, որ տուժածներից 4-ն արդեն տուն են գնացել, իսկ բժշկական կենտրոնում գտնվողների վիճակը գնահատվում է բավարար։