ՌԴ ԱԳՆ-ում ցնցվել են Իրանում Ադրբեջանի դեսպանատան վրա հարձակումից
27-01-2023 15:46:33 | Հայաստան | Ի՞նչ է գրում մամուլը
Հայկական ժամանակ. «Ցնցված ենք Ադրբեջանի դեսպանատան վրա հերթական հարձակումից, որի ժամանակ անվտանգության աշխատակից է զոհվել»:
Այս մասին իր «Տելեգրամ-ալիք»-ում գրել է ՌԴ ԱԳՆ պաշտոնական ներկայացուցիչ Մարիա Զախարովան՝ ցավակցություն հայտնելով ադրբեջանցի գործընկերներին:
Զախարովան ավելի ուշ նաև տեսանյութ է հրապարակել՝ վերցված հարձակման վայրի տեսախցիկների տեսագրություններից և նշել, որ «անվտանգության աշխատակիցը առյուծի պես է կռվել»:
Ավելի վաղ հայտնել էինք, որ այսօր՝ հունվարի 27-ի առավոտյան, Թեհրանում Ադրբեջանի դեսպանատան վրա զինված հարձակում է իրականացվել, ինչի հետեւանքով մեկ մարդ մահացել է, ևս մեկը՝ վիրավորվել։
Ադրբեջանի դեսպանատան աշխատակիցները Իրանից տարհանվում են, իսկ երկրի ԱԳՆ-ն հայտարարել է, թե չի հավատում նախնական վարկածին:
Իրանում Ադրբեջանի դեսպանատան վրա հարձակում իրականացրած անձը ձերբակալվել է, հրապարակվել են կադրեր հարձակման վայրից: