Ադրբեջանը կմիանա Մարդու իրավունքների եվրոպական կոնվենցիայի մահապատժի արգելման արձանագրությանը
03-02-2023 21:00:50 | Ադրբեջան | Ի՞նչ է գրում մամուլը
azatutyun.am Ադրբեջանի նախագահ Իլհամ Ալիևը Եվրոպայի խորհրդում երկրի մշտական ներկայացուցիչ Ֆահրադին Իսմայլովին կարգադրել է ստորագրել Մարդու իրավունքների և հիմնարար ազատությունների եվրոպական կոնվենցիայի 13-րդ արձանագրությունը:
Ադրբեջանի արտաքին գործերի նախարարությունը ստացել է այդ մասին Եվրոպայի խորհրդի գլխավոր քարտուղարին պաշտոնապես տեղեկացնելու հանձնարարություն:
Մարդու իրավունքների և հիմնարար ազատությունների եվրոպական կոնվենցիայի 13-րդ արձանագրությանը միացած երկրում մահապատիժ չի կարող ի կատար ածվել անկախ որևէ հանգամանքից։