Ավերիչ երկրաշարժ Թուրքիայում՝ Սիրիայի հետ սահմանին. կան հարյուրավոր զոհեր
06-02-2023 11:44:57 | Հայաստան | Ի՞նչ է գրում մամուլը
Ազատություն. Այս գիշեր 7,6 մագնիտուդ ուժգնությամբ երկրաշարժ է գրանցվել Թուրքիայի հարավ-արևելքում՝ Սիրիայի հետ սահմանին։ Ըստ էպիկենտրոնում ցնցումների ուժգնության այն սեյսմիկ տեսանկյունից գնահատվում է որպես «ավերիչ», զոհվել է 500-ից ավելի մարդ:
Anadolu գործակալության փոխանցմամբ՝ երկրաշարժի հետևանքով տասնյակ տներ են ավերվել: Թուրքիայի ներքին գործերի նախարար Սուլեյման Սոյլուն հայտնել է, որ տուժել է 10 քաղաք:
Սիրիական պետական լրատվամիջոցների փոխանցմամբ՝ Հալեպում մեծ թվով շենքեր են փլուզվել, ավերածություններ կան այլ բնակավայրերում ևս:
Երկու երկրների համապատասխան պետական կառույցների փոխանցմամբ՝ Թուրքիայում զոհվել է առնվազն 284, Սիրիայում` 230 մարդ, ընդհանուր թվով մոտ 3 հազար վիրավորներ կան, որից 2,3 հազարը՝ Թուրքիայում: Այդ թվերը շարունակում են աճել: