ԱՄԵՆ  ԶԻՆՎՈՐ  ՄԻ  ՀԱՅԱՍՏԱՆ  Է

ՀԱՐԳԵԼԻ  ՄԵԾԱՀԱՐՈՒՍՏՆԵՐ, 

ԵՎ   ՀԱՅՐԵՆԻՔԸ  ՍԿՍՎՈՒՄ  Է  ՍԱՀՄԱՆՆԵՐԻՑ... 

 

Արցախյան  ազատագրական  պայքարի  35-ամյակի կապակցությամբ`  Գնդապետ  Կորյուն Ղումաշյանի և իր  զինվորների  հետ  մեկնել  էի սահմանը  պահող արծիվներին  նվիրատվություն  անելու:  44-օրյա  պատերազմից  հետո  առաջին անգամ  էի գնում, Հայրենիքը  սկսվում է  սահմանից,  ափսոս  է  կորսված  յուրաքանչյուր  վայրկյանը,   հապաղում  ենք,  անելիք  շատ    կա`   ,,Ֆուխարայի   հալից,,  հարցնող  չկա, ինչպես կասեր  Չարենցը: Ինչ  ոգի  կար  այդ հերոս  տղերքի   մեջ,  ինչպիսի   կայուն  հայրենապաշտություն,  այդպիսի  քաջերի  թիկունքը ամուր  պետք  է  լինի...   Երբ  քաղաք  հասանք,  տաքսիով  տուն  բարձրացա  Հաղթանակի  այգուն  հարակից  Բաբայան  փողոցով:  Անհորիզոն  շքեղ  դղյակների 

պարիսպների  կողքով  անցնելիս, բարձրաձայն  ասացի`  այս պարիսպները  սահմանում  պետք  է  լինեին,  տղերք...

-Ի՞նչ  Ասացիք - հարցրեց  վարորդը:

-  Ասացի, -Հայրենիքը  սկսվում  է  սահմաններից....

 

Ռուզան Ասատրյան

գրող - հրապարակախոս

 

 

 

Նոյյան տապան  -   Հասարակություն