Զախարովան հուսով է՝ Մոսկվայի հետ համատեղ մշակված հայ-ադրբեջանական խաղաղության նախաձեռնությունները կիրականացվեն
01-03-2023 12:47:26 | Հայաստան | Ի՞նչ է գրում մամուլը
Ազատություն. ՌԴ ԱԳՆ պաշտոնական ներկայացուցիչ Մարիա Զախարովան հույս է հայտնել, որ Ռուսաստանի Դաշնության հետ համատեղ մշակված հայ-ադրբեջանական խաղաղության նախաձեռնությունները կիրականացվեն, հաղորդում է ռուսական ՏԱՍՍ լրատվական գործակալությունը։
«Այս տարածաշրջանը, բառի ուղիղ իմաստով, կարելի է անվանել առանցքային ևս մեկ տարածաշրջան, որտեղ դեռ հույս կա, որ խաղաղության նախաձեռնությունները, որոնք մշակել են կողմերը Ռուսաստանի հետ միասին, կիրականացվեն», - ասել է Զախարովան «Սպուտնիկ» ռադիոկայանին տված հարցազրույցում։
Նա «բռիություն» է անվանել Հարավային Կովկասում Արևմուտքի ներգրավվածության փորձերը և պնդել, թե նման քաղաքականություն է տարվում ոչ թե հակամարտությունը կարգավորելու, այլ՝ «ճիշտ հակառակ նպատակներով»։
«Դժբախտաբար, մենք երկար տարիներ այստեղ նկատում ենք նման միտում, այժմ արևմտամետներն է՛լ ավելի են ակտիվացել», - հավելել է ռուս դիվանագետը։
Ռուսաստանի արտգործնախարար Սերգեյ Լավրովը երեկ Բաքվում կայացած ասուլիսի ժամանակ պնդել է, թե Բրյուսելը Հարավային Կովկասում գործում է ոչ թե «հանուն ինչ-որ բանի, այլ ընդդեմ»։
ՀԱՅԵՐԵՆ
Русский
English
Դաս. հայերեն
French
