Վլադիմիր Պուտինը վաղն Անվտանգության խորհրդի արտահերթ նիստ կանցկացնի
02-03-2023 15:30:30 | Հայաստան | Ի՞նչ է գրում մամուլը
Ազատություն. Ռուսաստանի Դաշնության նախագահ Վլադիմիր Պուտինը վաղը՝ մարտի 3-ին, Անվտանգության խորհրդի արտահերթ նիստ կանցկացնի: Այդ մասին ասել է Կրեմլի խոսնակ Դմիտրի Պեսկովը:
Այսօր ավելի վաղ մի անանուն աղբյուր խորհրդարանի ստորին պալատից՝ Պետական դումայից, ռուսական մամուլին փոխանցել է, որ այս նիստը կգումարվի այսօր և, հավանաբար, կանցկացվի առցանց ձևաչափով:
Օրակարգի մասին պաշտոնական տեղեկություններ հայտնի չեն, սակայն ենթադրվում է, որ կքննարկվեն «ուկրաինական անօդաչուների գրոհները ռուսական բնակավայրերի վրա և Բրյանսկի շրջանում ուկրաինացի զինվորականների իրագործած հարձակումը»:
Պեսկովը նշել է, որ Պուտինը պատկան կառույցներից զեկույցներ է ստանում Բրյանսկի շրջանում տեղի ունեցող իրադարձույունների մասին:
Այսօր Ստավրոպոլի մարզ նախատեսված նախագահ Վլադիմիր Պուտինի աշխատանքային այցը չեղարկվել է:
ՀԱՅԵՐԵՆ
Русский
English
Դաս. հայերեն
French
